ჩვენ შესახებ

საქართველო მსოფლიო რუკაზე პატარა, მაგრამ ერთ-ერთი გამორჩეული ბუნების მქონე ქვეყანაა, რომლის დათვალიერების მსურველთა რიცხვი ყოველწლიურად იზრდება. თუ ერთხელ მაინც ეწვიეთ საქართველოს მაღალმთიან რეგიონებსა თუ ზღვისპირა მხარეებს, ის თქვენ გულებში ყოველთვის განსაკუთრებულ ადგილს დაიკავებს.

CampShare ახალი წამოწყებაა, რომელსაც სურს ხელი შეუწყოს საქართველოში ტურიზმის განვითარებას, დაამკიდროს ლაშქრობის მაღალი კულტურა და ყველა ადამიანისათვის „თვალმისაწვდომი” გახადოს საქართველოს ყველაზე ლამაზი ადგილები. ამ მიზნის განსახორციელებლად, ჩვენ გთავაზობთ მაღალი ხარისხის სალაშქრო აღჭურვილობის გაქირავების სერვისს.

მართალია CampShare ახალი წამოწყებაა, თუმცა გუნდს ტურიზმის სფეროში მრავალწლიანი გამოცდილება აქვს, ლაშქრობის, ტურისტებისათვის საინტერესო ტურების მოწყობისა თუ უბრალოდ დასახლებული პუნქტებისაგან მოშორებით ულამაზეს ადგილებში განტვირთვის კუთხით. სწორედ ქართული ბუნების სიყვარული გახდა ის განმაპირობებელი ფაქტორი, რომელმაც გადაგვაწყვეტინა სალაშქრო ინვენტარის გაქირავება შეგვეთავაზებინა მომხმარებელთათვის.

თუ გსურთ მოიაროთ საქართველო და არ გაქვთ შესაბამისი აღჭურვილობა ჩვენ გთავაზობთ საუკეთესო პირობებს - მაღალი ხარისხი და ყველასათვის ხელმისაწვდომი ფასები.

ჩვენი ნივთებით აღჭურვის შემდეგ ისღა დაგრჩენიათ საუკეთესო დრო გაატაროთ მეგობრებთან ერთად!